वीरगन्ज,११पुस : वीरगन्जमा भारतीय ट्रकको ठक्करबाट बाराको कलैयाका एक युवकको मृत्यु भएको छ ।अर्का एक युवक सामान्य घाइते भएका छन् ।मृत्यु हुनेमा बाराको सुवर्ण गाँउपालिका वडा नम्बर २ का १६ वर्षिय राज मिश्र रहेका छन् ।
प्रहरीका अनुसार,वीरगन्ज महानगरपालिका वडा नम्बर २४ ड्राइपोर्ट बहुवरी चोक नजिकै रहेको लक्ष्मी पेट्रोल पम्प अगाडि बुधवार बेलुकी पहिचान खुल्न नसकेको भारतीय ट्रकले ना २५ प ९०९१ नम्बरको मोटरसाइकललाई ठक्कर दिदाँ उक्त मोटरसाइकलमा सवार मिश्रको मृत्यु भएको हो । घाइते मोटरसाइकल चालक बाराकै कलैया उपमाहानगरपालिका वडा नम्बर ६ का २८ वर्षिय सन्दी पाण्डेको नारायणी अस्पतालमा उपचार गरिएको छ ।
मोटरसाइकललाई ठक्कर दिने ट्रकको पहिचान यकिन नभएकाले शंकाका आधारमा तीन वटा ट्रक प्रहरीले नियन्त्रणमा लिएर अनुसन्धान गरिरहेको जिल्ला प्रहरी कार्यालय पर्साका प्रवक्ता प्रहरी नायब उपरीक्षक किशोर लम्सालले जानकारी दिए ।
स्थानीय प्रत्यक्षदर्शीले भने घटनास्थल नजिकै रहेका प्रहरीको लापरवाहीका कारण ठक्कर दिने ट्रक भाग्न सफल भएको आरोप लगाएका छन् ।
The post वीरगन्जमा ट्रकको ठक्करबाट कलैयाका युवकको मृत्यु appeared first on Madhes Khabar.
प्रतिक्रिया