ग्यासु मिया देवान
वीरगंज / जगन्नाथपुर गाउँपालिका वडा नम्बर १ मा रहेका पाँडेपुर पिराडि गाउँका सयौँको सङ्ख्यामा स्थानीय जनता र किसानहरूले आज विरोध प्रदर्शन गरेका छन् ।
वर्षदेखि गौचरणको रुपमा रहेको ऐलानी सार्वजनिक प्रति जग्गालाई स्थानीय जनप्रतिनिधि तथा वडा अध्यक्षहरू समेतले उक्त जग्गालाई अतिक्रमण गरी वृक्षारोपण गर्न थालिएको हुँदा उक्त जग्गा ऐलानी सार्वजनिक गौचरणको रुपमा कायम राख्न स्थानीयहरूले आज विरोध प्रदर्शन गरेका हुन् ।
जगरनाथपुर गाउँपालिकाको वडा नम्बर १ मा रहेको उक्त जग्गा सो जग्गा वर्षदेखि स्थानीय पशुपालक किसानहरूले सो जग्गामा आआफ्ना पशुधन गाई गोरु राँगा भैसी बाख्रा समेत उक्त जग्गामा चराउने गरेको र अहिले वडा अध्यक्ष लगायत भूमाफियाहरूले सो जग्गामा मनपरी वृक्षारोपण गर्न लागिएको हुँदा स्थानीयहरूले विरोध प्रदर्शन गर्नको साथै सो जग्गामा वृक्षा रोपन गर्न नदिने जनाएका हुन् ।
जगन्नाथपुर गाउँपालिकाका पूर्व अध्यक्ष जालीम मिया, पूर्व गाविस अध्यक्ष किसमोहन मुखिया, स्थानीय समाजसेवी नशीर मिया, मनोज कुमार महतो लगायत स्थानीय बुद्धिजीवीहरूले विरोध जनाएका छन् ।
पांडेपुर, विशनपुरुवा, पिपढारी, परसावा लगायत गाउँका हजारौँ स्थानीय जनताहरूको एकमात्र व्यवसाय भैँसी गाई पाल्ने र सोबाट दूध उत्पादन गरी बजारसम्म पुर्याउने र आफ्नो जीविकाको पार्जन गर्ने एकमात्र व्यावसायको रुपमा रहेको स्थानीयहरूले बताए ।
वर्षायाममा उक्त गाउँ घरमा बाढी आई पानी जम्ने गरेका र गाईभैँसी पालक किसानहरूले आफ्नो गाईभैंसी उक्त अग्लो स्थानमा रहेको खाली जग्गामा चराउने गरेको वर्षौको इतिहास रहेता पनि यहाँका स्थानीय नेता हरुले सो जग्गालाई अतिक्रमण गर्न र यहाँका किसान गाई भैसी पालक आम जनता हरुलाई अप्ठ्यारोमा पार्न गरेको क्रियाकलापलाई आज स्थानीय जनताहरूले विरोध प्रदर्शन गरी सो जग्गा खाली छोड्न माग गरेका छन् ।
