वीरगंज, २० जेठ । सशस्त्र प्रहरी बल पर्साले रू.३५ लाख भन्दा बढीको गाडि तथा सामान भन्सार दाखिला गरेको जनाएको छ । जेठ २० गते सशस्त्र प्रहरी बल, नेपाल नं.१३ गण हेडक्वार्टर पर्साबाट खटिएको टोलीले वीरगंजको बिभिन्न स्थानहरूबाट रू. ७ लाख ३९ हजार ९५० बराबरको भन्सार छली नेपाल भिœयाईएको बिभिन्न किसिमका सामानहरू नियन्त्रणमा लिई आवश्यक कारबाहीको लागि वीरगंज भन्सार कार्यालय पर्सामा बुझाएको जनाएको छ । यसैगरी बहुअरी चोकबाट परवानीपुर जाँदै गरेको ब्रोइलर कुखुरा लोड गरिएको प्रदेश २–०३–००१ च ४१६७ नम्बरको बोलेरो पिकअप गाडी चेकजाँच गर्दा ब्रोइलर कुखुराको बिल, भिसिटिएस तथा भेटेरिनरीको प्रमाणपत्र नभएको भेटिएपछि नियन्त्रणमा लिइएको सशस्त्र प्रहरीले जनाएको छ । उक्त गाडीलाई चालकले बेवारिसे अवस्थामा बाटोमै छाडेर भागेको सशस्त्र प्रहरीले जनाएको छ । सो गाडीबाट भन्सार छली चोरी–पैठारी गरी भारतबाट नेपाल भिœयाइएको रू.१,८४,०००।– बराबरको ब्रोइलर कुखुरा सहितको गाडीलाई नियन्त्रणमा भन्सार कार्यालयमा कारबाहीको लागि वीरगंज भन्सार कार्यालय पर्सामा बुझाएको सशस्त्र प्रहरीले जनाएको छ । सशस्त्र प्रहरीले ब्रोइलर कुखुरा आवश्यक प्रकृया पूरा गरी आजै नष्ट गरिएको जनाएको छ । यसैगरी सशस्त्र प्रहरीले बिभिन्न सीमा नाकाहरूबाट २,७३,१६०।– बराबरको मोबाईल तथा ईलेक्ट्रिक सामानहरू नियन्त्रणमा लिई कारबाहीको लागि वीरगंज भन्सार कार्यालयमा दाखिला गरेको सशस्त्र प्रहरी पर्साका सूचना अधिकारी सशस्त्र प्रहरी नायव उपरीक्षक देबेन्द्र बहादुर सिंहले जनाएको छ ।