ग्यासू मिया देवान
बीरगञ्ज श्रावण,२८ /
सशस्त्र प्रहरी बल नेपाल न.१३ गण हे.क्वा पर्साको आयोजनामा तथा बीरगञ्ज तेक्वान्डो डोजाङ्ग ( BIRJUNJ TAEKWONDO, DOJANG, CLUB ) पर्साको विशेष सहयोगमा सशस्त्र प्रहरी बल पर्साले आत्मरक्षा सम्बन्धी प्रशिक्षण कार्यक्रम आज भव्यताका साथ शुभ आरम्भ गरेको छ ।
सशस्त्र प्रहरी बल पर्साका प्रमुख सशस्त्र प्रहरी उपरीक्षक पुरन चन्द्र भट्ट ज्यूको प्रमुख आतिथ्यमा भएको उक्त आत्मरक्षा सम्बन्धी प्रशिक्षण कार्यक्रमको उद्घाटन गर्नु भएको सशस्त्र प्रहरी बल पर्साले जनाएको छ ।
SELF- DEFENCE/ UAC आत्मरक्षा सम्बन्धी प्रशिक्षण तालिममा सहभागी सशस्त्र प्रहरी बल पर्सा र मातहतका युनिटहरूबाट महिला र पुरुष सशस्त्र प्रहरी सुरक्षाकर्मीहरू समेत गरी ३५ जना प्रशिक्षार्थीहरु सहभागी भएका थिए ।
तेक्वान्डो डोजाङ्ग ( BIRJUNJ TAEKWONDO DOJANG CLUB ) बीरगञ्ज “SELF-DEFENCE/ UAC अनुशिक्षण तालिमका प्रमुख प्रशिक्षक तथा 4th Dan Black Belt Asain Player महमद वेश लगाएत 2th Dan Black Belt प्रथम बर्णवाल, 2th Dan Black Belt ईमरान शेख, रोशन पटेल, सुजित यादब, राजन गुप्ता, हिमानी गुप्ता, नेहा झा, सन्तोष कुमार रौनियार गरी ९ जना प्रशिक्षकहरु प्रशिक्षण गराउने सशस्त्र प्रहरी निरिक्षक दिपेन्द्र प्रकाश मल्लले आजको उक्त शुभ आरम्भ कार्यक्रममा उहाँले बताए ।
सशस्त्र प्रहरी बल नेपाल न.१३ गण हे.कवा पर्साका गणपति सशस्त्र प्रहरी उपरीक्षक पुरन चन्द्र भट्टले तालिमको अबधारणा, आत्मरक्षाको परिचय, आत्मरक्षाका सिद्धान्तहरु, चेतावानीका संकेतहरु, ब्यबहारिक अभ्यास, अपनाउनु पर्ने तथा समान्य सुरक्षात्मक उपायहरु, शारिरीक आत्मरक्षा सिप, मनोबैज्ञानिक आत्मरक्षा, लैङ्गिक हिंसा तथा अन्य दुर्ब्यबहारको परिचय र सो बाट बच्ने उपायहरु तथा कानुनी आधार, सहायता प्रणाली, सामुहिक कार्य तथा ब्यबहारिक अभ्यास, शारीरिक व्यायम लगायतका अन्य विविध पक्षमा छलफल,अभ्यास तथा डेमोको माध्यमद्बारा यस तालिमको उद्देश्य रहेको उहाँले बताउनु भयो ।
प्रमुख प्रशिक्षक सहित ९ जना बाह्य प्रशिक्षकहरु तथा ३ जना सशस्त्र प्रहरी कर्मचारी प्रशिक्षकद्बारा प्रशिक्षण गराउने योजना रहेको उद्घाटन सत्रका प्रमुख अतिथि तथा सशस्त्र प्रहरी वल पर्साका प्रमुख सशस्त्र प्रहरी उपरीक्षक पुरन चन्द्र भट्टले जनाएका हुन ।
आजको उक्त SELF- DEFENSE/ UAC अनुशिक्षण तालिमको शुभ आरम्भ कार्यक्रममा स्थानीय सञ्चारकर्मीहरु,पर्सा गणका सशस्त्र प्रहरी अधिकृतहरु, जुनियर प्रहरी अधिकृतहरु, बिल्लादार /जवानहरु लगायतको उल्लेखनीय सहभागितामा आजको सो कार्यक्रमको उद्घाटन सभ्य र भव्य रुपमा सम्पन्न भएको सशस्त्र प्रहरी बल पर्साले जनाएको छ ।
